Studentët e fakultetit Ekonomik heqin dorë prej ngujimit. Ata kanë vendosur këtë të enjte për një bojkot total të mësimit. Për këtë, kanë marrë dhe mbështetjen e pedagogëve.
Në fakultetin e Drejtësisë dhe te Politekniku vijon përplasja mes studentëve. Një pjesë e tyre kërkojnë t’i rikthehen auditorëve për të zhvilluar orët e mësimit dhe për të përfunduar vitin akademik 2018-2019, pjesa tjetër është pro bojkotit të mësimit dhe ngujimit.
Studentët e Gjuhëve të Huaja kanë zhvilluar mësim, ndërsa studentët e Histori-Filologjisë kanë vijuar me bojkotin.
