Në një kohë kur maxhoranca po votonte dekretet e Metës për ndryshimet në qeveri, ish-kryeministri Sali Berisha doli në foltoren e Kuvendit të mbante fjalim. Mediat ishin të fokusuara te votimi i dekreteve dhe asnjë prej tyre nuk e transmetoi fjalimin e tij, por Berisha kishte menduar zgjidhjen duke shfrytëzuar rrjetet sociale. Dhe Berisha nuk ka lënë akuzë pa bërë për kryeministrin Rama.
“Ky i pafytyrë që uzurpon çdo pushtet dhe nxjerr opozitën jashtë. Kështu voton ky horr horri që ska nder as dinjitet dhe që nxjerr opozitën jashtë. Kështu voton ky që s’ka ndodhur kurrë në këtë sallë. Qeshni, qeshni, por ditët do t’ju vijnë një e nga një.
Kështu votojnë këta që kanë frikë nga fytyrat e droguara, kështu votojnë këta që kanë frikë nga hajnat. Ky është një turp. Ky është një turp dhe një faqe e zezë e jotja, por ti s’ke faqe, s’ke fytyrë, s’ke nder. Je një hiç që vepron në këtë mënyrë. Ke frikë ti puçist i ndyrë, që merr të gjitha pushtetet dhe nxjerr opozitën jashtë...
(Dëgjohet Ruçi që kërkon të vijojë votimi për Erion Braçen si zv.Kryeministër)
...çfarë thotë ky? Dekretet? Duartrokisni, duartrokisni, por e keni shndërruar parlamentin në strehë të mafias me një kryemafioz, me një puçist që ska asnjë parim tjetër përveç pushtetit të tij të papërmbajtur...
(I drejtohet Ruçit)
...ti po sillesh si ministër i fundit i diktaturës. Vetëm ti mund ta bësh këtë për të fshehur hajnat që po bëhen ministra, për të fshehur shkeljen e procedurave parlamentare, për të fshehur ndrikullat e drogës që sot i bëtë ministra. Edhe një herë Edvin Kristaq Urrejtja, i ke kohët e numëruara. Me këto që bën ti, i bindur të jesh ti se shqiptarët do të zvarrisin për së gjalli siç bënë me Enver Hoxhën. Ky do jetë findi yt, por mbaje mend mirë këtë se nuk do gjesh vend miu ku të futesh” – tha Berisha. ©LAPSI.al
