Sot pasdite Kuvendi do të mblidhet në një seancë të jashtëzakonshme për të votuar dekretet e presidentit Meta për ndryshimet në qeveri. Por në këto dekrete nuk është ai i Edi Ramës si Ministër i Jashtëm. Me sa duket kreu i shtetit do të marrë gjithë kohën që parashikon Kushtetuta për vendosur lidhur me këtë dekret. Në Kuvend do të jetë e pranishme edhe opozita, deputetët e së cilës kanë regjistruar emrat për të folur, ndonëse kjo sipas mazhorancës nuk lejohet pasi është një seancë thjesht për të miratuar dekretet. Mbetet për t’u parë nëse do të ketë tension apo jo në sallë, në rast se 62 deputetëve të opozitës nuk u jepet e drejta e fjalës.
©LAPSI.al
