Zëdhënësja e Partisë Demokratike, Ina Zhupa deklaroi sot se Edi Rama ka gënjyer për oxhakun 18 mijë eurosh, kur tha se nuk ndodhet në shtëpinë e tij në Surrel, por në studion e mikut të tij qeramist, Adrian Dule.
"Edi Rama duhet të ishte në burg për fshehje pasurie" - u shpreh Zhupa, e cila publikoi më pas pasqyrat financiare dhe librin e tatimeve të mikut të kryeministrit, Adrian Dule.
Ky i fundit, siç mund ta shihni edhe në fotot më poshtë, ka zero transaksione financiare. Nga historiku i të dyja aktiviteteve që ka krijuar, rezulton se Dule nuk ka shitur asnjë punim të tij, duke mos i paguar shtetit asnjë qindarkë në tatime. Me një background të tillë profitesh, qeramisti nuk do të mundte kurrë të shpenzonte 18 mijë euro për një oxhak.
Deklarata e sotme e zëdhënëses vjen pas një serie sulmesh ndaj Edi Ramës për vilën e tij në Surrel. Sipas opozitës, vila ku jeton kryeministri nuk justifikohet as me pasurinë e tij dhe as me të bashkëshortesh. Një detaj si ky oxhak në foto, i fiksuar nga opinioni publik në spotin e emisionit "Xing me Ermalin", sipas PD-së ndodhet në shtëpinë e Ramës, gjë të cilën ky i fundit e ka mohuar.
©Lapsi.al
Kush është Adi Dule? Miku i Ramës që ankohet për famën e marrë nga oxhaku
