Rino Gattuso, si zakonisht, nuk përdor lojëra fjalësh për të komentuar ndeshjen e humbur nga Milan, në Superkupën e Italisë kundër Juventus: "Duhet vetëm ti bëj komplimenta djemve të mi, kemi provuar ti ngjitemi një mali, pastaj episodet i gjykoni vetë. Kartoni i kuq i Kessie ishte, por nëse kemi teknologjinë, le ta përdorim. Juventusit i lejuan të mbaronte dy aksione, ndërsa Cutrone ia ndalën menjëherë. Ata janë një super skuadër e këto gjëra nuk i kuptoj. Dhamë gjithcka, edhe dicka më shumë, tani shohim përpara".
Tekniku i Milan ka sqaruar edhe situatën e Gonzalo Higuain, që u fut në fushë nga pankinë në fundin e lojës: "Nuk ndodhi asgjë. Mbrëmë kishte temperaturën 38.5, bëmë gjithcka për ta futur në fushë, e ka fjetur shumë pak. Duket si barsaletë por është e vërtetë, në mëngjes kur erdhi princi të na përshëndesë, kërkova unë që të mos ishte, për të mos infektuar të tjerët me virus".
E gjithë situata dhe hija e dyshimeve të Higuain lidhet me merkaton, ku argjentinasi mund të ketë luajtur edhe ndeshjen e fundit me Milan. "Duhet të mendoj edhe për lojtarët e tjerë. Të shohim nesër cdo të ndodhë ".
