Ambasada gjermane në Tiranë ka publikuar një njoftim me interes për studentët shqiptarë, për punësim sezonal në Gjermani për vitin 2019.
Në një mesazh në Facebook, ambasada gjermane shkruan: “Punësimi sezonal për studentët shqiptarë në Gjermani për vitin 2019! Këtu gjeni 4 hapat që u nevoiten studentëve shqiptarë për të aplikuar për punësim sezonal. Afati i fundit është 31 janari 2019.
4 hapa për studentët që dëshirojnë të aplikojnë për punësim sezonal në Gjermani:
1) #LEXO me vëmendje fletën e informacionit
https://drive.google.com/open…
2) #SHKARKO dhe #PLOTËSO elektronikisht formularin e aplikimit dhe vërtetimin nga Universiteti/Shkolla Profesionale
https://drive.google.com/open…
https://drive.google.com/open…
3) #FOTOKOPJO pasaportën dhe lejen e drejtimit, nëse zotëroni këtë të fundit
4) #DORËZO dokumentat origjinale pranë DIMAK Albania deri më 31.01.2019 ora 16:00
Për më shumë informacione, ambasada sugjeron që studentët t’i drejtohen: DIMAK Albania. Dimak është Qendra Gjermane e Informacionit për Migracion, Arsim Profesional dhe Karrierë
DIMAK është një prej komponentëve të Programit Global “Migracion për Zhvillim” (PME), i cili financohet nga Ministria Federale për Bashkëpunim Ekonomik dhe Zhvillim (BMZ) në disa vende të përzgjedhura partnere. PME është një program i Qendrës për Migrim Ndërkombëtar dhe Zhvillim (CIM), një bashkëpunim ndërmjet Deutsche Gesellschaft für Internationale Zusammenarbeit (GIZ) GmbH dhe Qendrën për Ndërmjetësimin me Jashtë dhe atë Profesional (ZAV), një organ i Agjencisë Federale të Punësimit (BA).
