Dhuna e paprecedentë ndaj studentëve protestues në fakultetet e Juridikut dhe Ekonomikut duket se e ka zanafillën pak më sipër policëve gjaknxehtë që janë filmuar teksa fyejnë e godasin studentë brenda ambienteve universitare.
I vënë përballë krahasimit me Ramiz Alinë tek Arian Çani, se as lideri i fundit komunist nuk kishte lejuar goditjen e studentëve brenda auditoreve, Edi Rama i quajti ata zaptues të Universitetit. Kryeministri vazhdoi duke shtruar pyetjen se pse nuk duhet të preken studentët, për ti dhënë vetë përgjigje më pas.
"Ça janë ata? Kush janë ata?" - u shpreh kryeministri. Ky targetim i studentëve si zaptues përbën provën e implikimit indirekt të Ramës në dhunën ndaj tyre.
Edhe rrahja e studentëve nuk mund të kryhej pa ndjekur një procedurë zyrtare. Mësymja e forcave të rendit brenda universitetit nuk mund të bëhet pa kërkesë ose leje nga drejtuesi i universitetit. Çdo ndërhyrje tjetër do të ishte në kundravajtje me ligjin.
Dhe policia e kishte në dorë kërkesën. Kërkesë e shkuruar nga Administratori i Univeristetit të Tiranës, Skerdi Dafa. Një militant i PS-së, që më parë ka shërbyer si drejtor tatimesh në Elbasan.
Deklarata e Ramës tek Çani përbën hallkën e parë të munguar të zinxhirit të dhunës ndaj studentëve. Militani i tij në krye të UT-së dhe policia po përdoren si kamxhik mbi studentët.
Në rastin më të mirë, dhuna e policisë ndaj studentëve është një neglizhencë dashakeqe e kryeministrit. Në të kundërt, kemi një kryeministër që kur vendos të quajë dikë zaptues, përdor të gjitha format, edhe një pseudo-drejtues të pavarur istitucioni arsimor, për të goditur 20-vjeçarë në të drejtën e tyre.
©Lapsi.al
https://youtu.be/d4tSNFIBnwA
https://youtu.be/Di2UTHywGPs
