Gashi e ka filluar karrierën para pak vitesh, por emri i tij si një artist i muzikës hip hop u bë i njohur në momentin që nënshkroi me shtëpinë diskografike të Jay Z.
Që atëherë ai ka hedhur në treg projekte muzikore shumë të mira, madje disa prej tyre janë bërë pjesë edhe e klasifikimit “Billboard”. Suksesi më i fundit i Gashit është “Creep On Me”, një këngë në bashkëpunim me emra të njohur si French Montana dhe Dj Snake, e që u pëlqye masivisht nga publiku. E megjithatë 2019-ta duket se do të jetë një vit akoma më i mirë për shqiptarin i cili me anë të disa postimeve në Instagram ka lajmëruar se bashkëpunimin e rradhës do ta ketë me reperin G-Eazy.
