Kolegji i garancisë së sportit ka marrë një ankimim të prezantuar nga Juventus kundër Figc, Inter e Coni për apelimin e reformën e vendimit përfundimtar të njoftuar nga Kolegji arbitral i Gjykatës kombtare të arbitrazhit sportiv të Coni, në të cilën Tnas ishte deklaruar inkompetent për të vendosur për dispozitën e revokimit - miratuar më 26 korrik 2006 nga komisari i jashtëzakonshëm Guido Rossi për arsye disiplinore - të titullit të Kampion i Italisë për Juventus për kampionatin 2005-2006, që më pas iu dorëzua Interit.
Juventus i kërkon Kolegjit të garancisë të deklarojë pavlefshmërinë e vendimit të kontestuar dhe të shprehet lidhur me çështjen, duke anuluar caktimin e titullit për shoqërinë zikaltër. Në rast të papranueshmërisë së ankesës, klubi i Juventusit kërkon që Gjykata Federale e FIGC të shpallë veten si gjykatës kompetent sportiv siç është shpallur me vendim të Seksioneve të bashkuara civile të Gjykatës Supreme të Kasacionit më 25 shtator 2018.
