Kryetari i PD-se Lulzim Basha doli sot në një deklaratë për median ku shtoi se po përgatitet ritenderimi i pjesës së ndërtimit të unazës së re në Tiranë, tenderi i fituar i së cilës u anuluan dhe për këtë çështje ka nisur një hetim i prokurorisë.
"Po përgatitet përfundimi i ritenderimit i pjesës së kapur në flagrancë. Është përgatitur dhe rimanipulimi i këtij loti. Ky tender duhet të anulohet i tëri. Kam emrin kush është përfituesi. Edvin Kristaq Rama, cili do të jetë biznesmeni i radhës, nuk besoj se do e mbajë të fshehtë gjatë. Protesta do na shohë në krah dhe në krye", tha Basha.
