Reperi latin Kevin Fret ka ndërruar jetë pak orë më parë.
Reperi i cili e quante veten artisti i parë gay në muzikën latine të stilit ‘trap’ u qëllua me armë zjarri në San Juan, Puerto Rico të enjten në mëngjes.
Ai ishte 24 vjeç dhe ishte duke hipur në motor rreth orës 5:30 të mëngjesit kur u sulmua. Më vonë vdiq në Qendrën Mjekësore të Río Piedras, njoftoi “El Nuevo Dia”.
Vdekja e tij ka lënë të hidhëruar shumë fansa të cilët kanë shprehur ngushëllimet në rrjete sociale për humbjen e tij.
Ndërkohë vdekja dhe shkaqet e sulmit ndaj tij janë nën hetim nga policia vendase.
