Sot Ilir Meta ka bërë një deklaratë të paprecedentë, për një president Republike, të cilën me stilin e tij hokatar, Rama e etiketoi si një vjedhje të passwordit të kompjuterit nga bashkëshortja, Monika.
Lexo më tej:
Meta godet fort Ramën: Kërcënuesi i Zaganit nuk shantazhon dot edhe Presidentin
Kreu i shtetit pretendoi se është kërcënuar nga kryeministri me të njëjtin stil të njohur që ai ka përdorur edhe kundër komisarëve të policisë, gazetarëve, gjyqtarëve apo profesorëve. E vetmja gjë që nuk tregonte Meta ishte së për çfarë, si dhe ku ishte kërcënuar. Duke u nisur edhe nga fakti se jo me larg se dje edhe letra e hapur e Baton Haxhiut u quajt si një kërcënim ndaj presidentint nga media pranë tij, serioziteti i këtij alarmi të dytë ngjan tejet minimal. Pa treguar faktet konkrete për të cilën ka bërë deklaratë në publik duket sikur është Ilir Meta ai që shantazhon. Sepse në raste të tilla njerzve nuk mund ti flitet me gjuhë të koduar. Presidenti ose duhet të denoncojë kërcënimin dhe kërcënuesin, ose bën mirë të heshtë. Sepse bubullimat për një denoncim pa fakt e humbasin kollaj seriozitetin.
Lapsi.al
