Kylie Jenner u shpall pak javë më parë si sipërmarrësja më e pasur për vitin 2018 me një shifër prej 900 milionë dollarësh. Por jo të githë janë të lumtur me këtë lajm, madje as motra e saj Kendall Jenner.
Burime për “Radar Online” kanë konfirmuar se Kendall nuk i ka aspak mirë marrëdhëniet me motrën e saj pasi pasuria e madhe e më të voglës e bën xheloze. “Radar Online” shkruan që ato të dyja nuk e durojnë dot njëra-tjetrën dhe xhelozojnë për sukseset e njëra-tjetrës. Burimi ka shtuar se ato të dyja nuk kanë asgjë të përbashkët dhe dy motrat e “Keeping up with the Kardashians” po i shfaqin hapur inatet me njëra-tjetrën. Kendall Jenner duket se nuk mjaftohet vetëm me pasurinë e saj prej 50 milionë dollarësh dhe nuk është aspak e lumtur që motra e saj fiton shumë më shumë.
