Në ambientet e fakulteteve vazhdojnë diskutimet në lidhje me vijueshmërinë e protestës dhe formën e saj. Por studentët thonë se policia e shtetit pa asnjë leje dhe mandat ka hyrë në ambientet e Fakultetit të Ekonomisë të Universitetit të Tiranës.
Forcat e rendit kanë kërkuar informacion se për sa kohë studentët do të rrinë në fakultet. Sipas studentëve në asnjë rregullore nuk përcaktohet orari i qëndrimit të studentit në fakultet.
“A mos pushteti po lëviz për të penguar organizimin studentor? A po i frikësohen idesë së ngujimit në fakultete, si formë radikalizimi të protestës studentore, pasi presioni ndaj KM do jetë më i madh këtë herë?” - thuhet në reagimin e studentëve. ©LAPSI.al
