Një dyqan i njohur argjendarie ka rënë pre e një sulmi grabitësish në kryeqytet. Mësohet se disa persona të maskuar kanë grabitur mbi 200 mijë euro mall në një argjendari në një qendër tregtare në periferi të kryeqyteti, në zonën e Kasharit. Sipas informacioneve jo zyrtare, grabitja ka ndodhur më datë 2 janar 2019, por policia ende nuk ka dhënë informacion zyrtar mbi ngjarjen. Hetimet për këtë rast vijojnë, por detajet mbeten të pakta. Mësohet se nga këqyrja e kamerave të sigurisë autorët kanë hyrë duke çarë murin rrethues gjatë natës dhe pa u pikasur nga rojet kanë arritur të kryejnë grabitjen. ©LAPSI.al
