Në grup studentësh ka marshuar përpara Kryeministrisë ditën e sotme. Ata e kanë nisur protestën që në orën 09:30, duke kërkuar sërish plotësimin e 8 pikave pasi nuk janë të kënaqur me vendimin e Këshillit të Ministrave.
Protestat prej tyre do të vazhdojnë për shkak se ato nuk e konsiderojnë draftin për universitetin të plotë dhe të saktë. Ata kanë listuar përmes një drafti të ri kundërshtitë që kanë për çdo vendimmarrje të qeverisë në lidhje me 8 kërkesat.
Protestës i janë bashkuar studentët e fakultetit të shkencave të natyrës, ekonomikut, gjuhëve të huaja, por dhe nga fakultete të tjera, me qëllimin e vetëm, plotësimin e 8 pikave të kërkuara prej tyre.
