Sipas Institutit të Gjeoshkencave, Energjisë, Ujit dhe Mjedisit, 24 orët e ardhshme do të jenë të acarta.
Temperaturat do të mbeten të ulëta deri nesër në mëngjes për shkak të masave ajrore arktike, të cilat pritet të largohen nga rajoni ynë nesër në mbrëmje. Kjo do të sjellë ngrica sonte natën në të gjithë vendin. Më konkretisht, nesër temperaturat minimale dhe maksimale të ajrit pritet të arrijnë në bregdet: -3 / 5 °C, në vendet e ulëta: -4 / 4 °C dhe në vendet malore: -15 / -4 °C.
Sa i përket reshjeve, sot pasdite dhe nesër priten reshje lokale të dobëta në zonat malore në formë dëbore.
