Hapet gara për krijimin e SPAK prej Këshillit të Lartë të Prokurorisë. KLP vendosi t’i japë një muaj kohë prokurorëve që të aplikojnë për t’u bërë pjesë e Strukturës së Posaçme Antikorrupsion.
Sipas Kreut të KLP, Gent Ibrahimi, do të zgjidhen ata magjistratë që kanë një eksperiencë 10-vjeçare dhe që nuk kanë marrë masa disiplinore.
Në mbledhjen e KLP do të diskutohet dhe kërkesa e prokurorëve Olsi Çela dhe Besim Hajdarmataj për t’u rikthyer te Krimet e Rënda.
SPAK është organi që do hetojë dhe ushtrojë ndjekjen penale kundër korrupsionit.
