Një aksident i rëndë raportohet në aksin Levan-Tepelenë. Burime paraprake flasin për 3 viktima. Ngjarja ka ndodhur pranë fshatit Varibok. Përveç 3 viktimave flitet edhe për 7 të plagosur.
Nga burime të lapsi.al në vendin e ngjarjes thuhet se fillimisht një automjet është përplasur me një motor.
Nga ky aksident nuk ka pasur asgjë serioze, por pasagjerët e një autobusi të ndaluar janë afruar për të parë çfarë kishte ndodhur. Në ato momente një tjetër automjet ka goditur pasagjerët e autobusit duke shkaktuar tragjedinë. ©LAPSI.al
