Pratikisht ka mbyllur cështjen Godin, por Inter vazhdon të shohë me prioritet merkaton e parametrave zero e hedh sytë tek të tjerë lojtarë në skadencë kontrate. Sipas Gazzetta dello Sport, zikaltrit po ndjekin me interes situatën e Hector Herrera, në dalje nga Porto dhe Arjen Robben, që është gati të largohet nga Bayern Mynih në fund të sezonit. Në listën e kontrollit të Ausilio e Marotta janë gjithashtu edhe Matteo Darmian, i vendosur të kthehet në Itali pas eksperiencës tek Manchester United, por edhe Valencia, gjithnjë në skadencë me Djajtë e Kuq.
I liruar nga limitet e FFP, Inter po mendon të përforcojë skuadrën për sezonin e ardhshëm, në mënyrë që të mund të ngushtojë diferencën kualitative nga Juventus. Nga qershori do të jetë një Inter me dy fytyra, me Marotta që po aplikon ndërthurjen e të rinjve me eksperiencën, forcë dhe personalitet. Idea e administratorit të deleguar zikaltër, është ajo e afrimit të sa më shumë lojtarëve, të aftë të ngrenë nivelin e organikës, për të luajtur Champions pa kokëcarje.
Ky fakt ka anashkaluar edhe moshën e lojtarëve të kërkuar, duke qenë se kualiteti i tyre nuk diskutohet: ata janë mësuar të luajnë ndeshje të vështira e mund të ndihmojnë të rinjtë të rriten. Robben mund të mos luajë të gjitha ndeshjet e sezonit, por ato që kanë rëndësi po. Ndryshe diskutimi për Herrera, që është 28 vjec, por mund ti japë cilësinë e munguar zikaltërve në mesin e fushës.
