Policia në Tepelenë sekuestroi 102 kilogramë kanabis dhe arrestoi 3 persona.
Në aksin rrugor Krahës-Memaliaj gjatë kontrollit të ushtruar në makinën që po udhëtonin 30-vjeçari E.L., 24-vjeçari E.L. dhe 39-vjeçari A.B., u gjetën dhe sekuestruan 63.6 gram kanabis. Gjithashtu gjatë kontrollit në një banesë që përdorej nga të arrestuarit në fshatin Zhulaj u gjet edhe një sasi tjetër lënde narkotiken në total 102 kg kanabis.
Njoftimi nga policia:
Nga Specialistët për Hetimin e Trafiqeve dhe Narkotikëve në Drejtorinë Vendore të Policisë Gjirokastër pas një pune të mirë organizuar në bashkëpunim me shërbimet e Stacionit të Policisë Memaliaj u bë e mundur ndalimi dhe arrestimi në flagrancë i shtetasve:
– E.L, 30 vjeç, banues në Tepelenë;
– E.L, 24 vjeç, banues në Memaliaj;
-A.B, 39 vjeç, banues në Elbasan.
Arrestimi i ketyre shtetasve u bë pasi në aksin rrugor Krahës-Memaliaj gjatë kontrollit të ushtruar në automjetin me të cilin po udhëtonin, Policia gjeti dhe sekuestroi 63.6 gram lëndë e dyshuar narkotike si ajo e llojit Cannabis Sativa.
Gjithashtu gjatë kontrollit në një banesë në fshatin Zhulaj, Memaliaj, që dyshohet se e përdornin shtetasit E.L dhe E.L, Policia gjeti dhe sekuestroi një sasi prej rreth 102 kilogramë lëndë të dyshuar narkotike e llojit Cannabis Sativa.
Materialet i kaluan Prokurorisë Pranë Gjykatës së Shkallës së Parë Gjirokastër, për veprime të mëtejshme, për veprën penale “Prodhimi dhe shitja e narkotikëve e kryer në bashkëpunim”. parashikuar nga neni 283/2 i Kodit Penal.
