Presidenti Ilir Meta nuk ka vonuar me dekretimin e emrave të ministrave të shkarkuar dhe atyre të propozuar prej kryeministrit Edi Rama.
Ajo që vihet re është se shkarkimi i ministrit të Jashtëm, Dimir Bushati nuk është dekretuar prej presidentit.
Meta ka dekretuar shkarkimin e 6 ministrave: Nikolla, Ahmetaj, Peleshi, Gjiknuri, Kumbaro dhe zv.ministren Qato.
Në rradhët e ministrave të rinj të dekretuar janë Bledi Çuçi, Eduard Shalsi, Elisa Spiropali. Presidenti i vendit ka dekretuar dhe zv.kryeministrin e ri Erion Braçe.
Në pritje për t'u dekretuar janë emrat e propozuar në postin e ministrit/es: Besa Shahini, Anila Denaj, Genti Caka, Elva Margariti dhe Belinda Balluku.
Mbetet për t'u parë nëse do të dekretohet largimi i Ditmir Bushatit si ministër i Jashtëm dhe nëse do të pranohet emërimi i pesë emrave të tjerë të rinj të cilët kanë mbetur në pritje.
Në bazë të nenit 98 të Kushtetutës, presidenti i Republikës ka afat 7 ditë që të dekretojë ministrat që nga momenti i mbërritjes së propozimeve të bëra nga kryeministri.
Brenda 10 ditësh, është Kuvendi ai që do të votojë më pas dekretin e presidentit.
