Gazmend Musta, ka deklaruar ditën e sotme në gjykatën e Krimeve të Rënda arsyen e vrasjes së gruas dhe kunatës së tij.
“Gruan e godita me thikë sepse më ofendoi, s’duroja më”, u shpreh Musta para togave të zeza.
Gazmendi është irrituar në momentin që bashkëshortja e tij ka këmbëngulur për të shkuar në fshatin Drizar për vizitë te prindërit e saj. Në këmbëngulje e sipër ajo është shprehur se do të shkonte bashkë me fëmijët vetë në fshat.
Kjo gjë e ka zemëruar edhe më Gramozin, i cili është shprehur se ai është burri i shtëpisë dhe se ai duhet të vendoste se çfarë do të bëhej.
Pas këtij debati ai ka rrëmbyer thikën dhe ka goditur bashkëshorten, ndërsa motra e saj ka ndërhyrë për ta ndihmuar, por edhe ajo ka rënë pre e sulmit.
Ata jetonin në një banesë me qira në lagjen “5 Shkurti” në Ballsh. 34-vjeçari ishte emigrant në Greqi dhe ishte kthyer për festat e fundvitit.
