Mjekja ligjore që ekzaminoi trupin e pajetë të Anxhelina Petros, e cila u vra nga i ati dhe u gropos në oborrin e shtëpisë, është shprehur se ajo që ka ndodhur nuk ka qenë thjesht një vrasje, por një makabritet.
“Nuk ishte një krim i egër, ishte një brutalitet”- ka thënë ajo.
I ati i 29 vjeçares Anxhelina Petro, pasi e kishte vrarë dhe groposur të bijën i kishte kërkuar policisë ndihmë duke i thënë:
“Ju lutem, më ndihmoni të gjej fëmijën tim.”
Pas shumë pyetjeve të policisë, i ati i viktimës ka treguar të vërtetën.
Sipas mjekes ligjore Chrysavgi Kousi, vajza e pafat edhe pse luftoi per një kohë të gjatë me vrasësin, nuk ishte në gjendje për të shpëtuar pasi goditjet ishin të shumta.
«Vajza u godit disa herë, të paktën shtatë herë në kokë. Gjithashtu, ajo është munduar të mbrohej, duke ngritur duart lart, për të mbrojtur kokën dhe fytyrën nga goditjet”- thotë ekspertiza.
“Gjitha sa pashe me ka lene te shtangur, une nuk mund ta kuptoj se si një prind godet fëmijën me te tillë tërbim. Dhe, pastaj si ka mundur te pastrohet nga gjaku dhe te fshehe gjurmet. Nuk ishte nje krim, por nje terbim i eger”- thote mjeku ligjor.
Ndërkohë avokati i vrasësit, Vasilis Nulezas thotë se “Media përshkruan gabim tiparet e vrasësit”. Sipas tij, 52-vjeçari kishte një dashuri patologjike për vajzën. “Vajza i kërkonte që mos të ndërhynte shumë në jetën e saj.
Viktima ishte larguar nga nëntori 2017 nga shtëpia, për të jetuar e pavarur, pa e informuar për jetën që bënte. Këtë nuk e duronte dot klienti im, besoj se është çështje e psikologjisë së tij, nuk kishte ushtruar dhunë më parë, e donte vajzën e e tij.
Është i dërrmuar psikologjikisht dhe nuk besoj se do ja dalë mbanë me procesin gjyqësor. Nuk ishte vrasje me paramendim, ndodhi në tension e sipër, pas një debati të ashpër”, pohoi avokati.
