Të gjitha të dhënat të cojnë në një befasi të merkatos, por nga ato që kushtojnë. E ardhmja e Kalidou Koulibaly mund të jetë tek Barcellona, thjesht sepse është e pamundur të thuash jo, nëse oferta për të cilën flet Il Mattino e Napoli të konkretizohet. 120 milionë, kjo është shifra për të cilën flitet e që natyrisht është e pamundur ti thuash jo.
Në fakt, do të ishte një lëvizje garantuese për një thesar të vërtetë në Napoli, e që mund ti lejonte klubit investime të mëdha. Klubi i De Laurentiis po lëviz në prespektivë (Barella, për shembull, e pastaj Kouame e Almendra, apo ëndërra e paperënduar Cavani) por sado e vështirë të jetë si zgjedhje (senegalezi është një ndër pesë mbrojtësit më të fortë në botë) shitja e Koulibaly në këto kushte do të hapte horizonte të reja.
Gjithnjë nëse Barcellona është vërtetë e gatshme për këtë shifër, edhe pse në fakt flitet se mund të nisë një derbi spanjoll me Real, gjë që mund ta favorizojë edhe më shumë Napolin në këtë operacion.
