Khloe Kardashian dhe Tristan Thompson e kaluan natën e ndërrimit të viteve bashkë në Cleveland, pavarësisht një viti të vështirë me ulje dhe ngritje.
Ndërsa të dy u shfaqën të lumtur bashkë duke shkëmbyer puthjen në mesnatë, një tjetër video u bë virale në rrjetet sociale një ditë më parë.
Dyshja po festonte në një klub nate, ndërsa basketbollisti nuk tregoi pikë interesi për partneren e tij.
34-vjeçarja po bënte “twerk”, kur vendosi që t’i jepte Tristan-it një puthje dhe vuri re që ai i kishte kthyer kurrizin.
Khloe i hodhi disa shikime me bisht të syrit, kur dalloi që ai po e injoronte. Ajo më pas e ktheu shikimin sërish nga kamera dhe rrotulloi sytë, ndërsa pëshpëriti: “Nuk e di”.
Nga ana tjetër Tristan as nuk e kishte për asnjë moment mendjen nga partnerja e tij. Por pavarësisht këtij çasti, çifti tregoi se kaloi një natë të këndshme.
