Gent Cakaj, i propozuar nga kryeministri i vendit si ministër i Europës dhe Punëve të Jashtme duket se mezi po pret të marrë këtë post.
Ndonëse paraardhërsi i tij në këtë detyrë, Ditmir Bushati mban ende të shkruar në profilin e tij në Twitter statusin si Ministër i Jashtëm i Shqipërisë, në një profil që mban emrin e Cakajt (i cili nuk është dekretuar ende nga Presidenti për postin e pretenduar), është shkruar e njëjta gjë. Për një çast Shqipëria kishte dy ministra në të njëjtin pozicion.
Më pas, postimi është fshirë menjëherë nga profili që mbran emrin e tij në Twitter.
Burime pranë Cakajt, pas këtij incidenti, kanë bërë të ditur për Lapsi.al se profili në fjalë është i rremë dhe se e kanë raportuar tashmë atë.
