Veriu, disa zona të rajonit qëndror të vendit dhe jugu, janë zbardhur nga bora.
Reshje bore ka pasur në qarqet Kukës, Dibër, Shkodër e Tropojë, rrethinat kodrinore të Tiranës, dhe në Korçë e Gjirokastër.
Autoriteti Rrugor Shiqptar njoftoi se ka plot akse në vend ku është i nevojshëm kalimi me zinxhirë.
Qarku i Korçës, Boboshticë-Dardhë, Korçë-Voskopojë, Korçë-Ersekë, Liqenas-Doganë Goricë; Qarku i Kukësit, Lusen-Domej dhe jo vetëm.
Në akset e Dibrës, Kuben-Vasie, vazhdon puna për pastrimin dhe kriposjen e rrugës. Në aksin Ura e Cerenecit-Stebleve, bora arrin trashësinë 15 cm. Po punohet me fadroma për pastrimin dhe kriposjen. Aksi rrugor Kukës-Peshkopi kalohet me vështirësi për shkak të reshjeve .Në fshatrat Ostren dhe Zalldardh raportohet se ka probleme të theksuara në qarkullim të mjeteve.
Në akset e Kukësit, Kukës-Bushtricë, Kukës-Ura e Zapodit, po punohet për pastrim dhe kriposje. Këtu qarkullimi kryhet pa problem.
Në Rajonin Qendror Tiranë, në akset e Dajtit ka reshje të pakta bore dhe prezencë akulli. Në segmentet fundore Qafë Priskë-Qafë Mollë rekomandohet përdorimi i zinxhirëve. Në aksin Librazhd-Stebleve, në segmentin fundor të tij në Lunik – Stebleve, ka rresh 15 cm borë. Qarkullimi rekomandohet me zinxhirë.
Në Gjirokastër dhe Korçë duhet udhëtuar me zinxirë. Qafë Thana është mbuluar nga dëbora dhe akulli.
Nga dita e nesërme pritet që të shtohen reshjet dhe ngricat në zonat malore të vendit, edhe në pjesën juglindore.
©LAPSI.AL
