Pas ndryshimeve të mëdha që u bënë sot në qeveri, ku 9 ministra u larguan prej detyrës, vjen edhe reagimi i kryetares së LSI-së, Monika Kryemadhit.
Sipas Kryemadhit qeveria, të cilën me ironi e quan "Qeveria e Surrelit", ka rënë për shkak të rritjes së taksave, skandaleve me tenderat, krimit, drogës e varfërisë.
“Sot ra qeveria e SurrelitSepse premtoi se shqiptarët do të paguanin taksa më pak, por po paguajnë më shumë
Ra sepse asnjëherë nuk tregohet sesa taksa paguajnë shqiptarët, por kryeministri bërtet me të madhe se ka ulur taksat.
Qeveria ra për shkak të skandaleve të Ramës, vetëm me një tender janë vjedhur 40 milionë euro.
Sot Partia Socialiste u kthye ne Partinë e Surrelit.
Edi Rama sot ndërroi pjesë të lavatriçes të pastrimit të parave të drogës.
Por duhet larguar lavatriçja e vetme, e krimit, e drogës dhe e varfërisë së Shqiptarëve që quhet Edi Rama”, tha Kryemadhi
