Kryeministri Rama në Asamblenë e Partisë Socialiste, ka larguar nga pozicioni i ministrit për Europën dhe Punët e Jashtme, Ditmir Bushatin. Në vend të tij është vendosur zëvendësministri Gent Cakaj.
"Ditmir Bushati e ka perfaqesuar denjesisht Shqiperine, por ka ardhur koha t'i perkushtohet Shkodres, dhe te zevendesohet me zevendesministrin, Gent Cakaj" u shpreh Rama.
Cakaj, është një tjetër shqiptar nga Kosova që vendoset ministër në qeverinë aktuale.
Në Korrik të vitit 2018 ai u caktua Kryenegociator i çeljes së negociatave të Shqipërisë me Bashkimin Evropian për anëtarësim.
Cakaj fillimisht ka qenë këshilltar i kryeministrit për politikën e Jashtme dhe posaçërisht, për çështjet e Bashkimit Europian.
Më pas në kabinetin ‘Rama 2’ u emërua në postin e zv.ministrit të Punëve të Jashtme.
