Sot, në Asamblenë e PS-së, kryeministri Edi Rama ka emëruar në postin e ministres së Kulturës, arkitekten Elva Margariti.
Elva Margariti është koordinatore e programeve të studimit në fakultetin e Shkencave të Natyrës, te Universiteti "Zoja e Këshillit të Mirë". Margariti ka qenë dhe koordinatore Kombëtare e Programit "100 Fshatra", program i cili kishte si synim zhvillimin e zonave rurale në Shqipëri. Këtu duket se ka lindur bashkëpunimi mes kryeministrit dhe Elva Margaritit.
Për këtë program Rama u shpreh në qershor të këtij viti se "nën modelin e Rilindjes Urbane, ky program fokusohet tek turizmi dhe agrobiznesi, ndërsa do financohen ndërhyrje në infrastrukturë. "100 fshatrat" janë zgjedhur mbi bazën e potencialit të tyre turistik dhe pritet të shndërrohet në qendra të një lloj turizmi të ri, atij rural".
