Në Asamblenë e PS-së ditën e sotme kryeministri Edi Rama lajmëroi largimin e 9 ministrave. Në Ministrinë e Infrastrukturës, vendin e Damian Gjiknurit e zuri Belinda Balluku.
Belinda Balluku është drejtoreshë e përgjithshme e Albcontrol, dhe sipas Ramës ajo i ka të gjithë atributet për ta drejtuar me sukses këtë ministri.
Albcontrol është shoqëria shtetërore që menaxhon dhe kontrollon hapësirën ajrore shqiptare. Disa kohë më parë kjo kompani u përfshi në një skandal, në lidhje me përdorimin e fondeve publike. E drejtuar nga Belinda Balluku, ky institucion kishte hapur një tender për të trajnuar dy studentë. U akuzua se abuzoi me fondet që u akorduan, plot 66 milionë lekë për vetëm dy studentë.
