Pas një mungese disa mujore Arbana Osmani ka njoftuar se shumë shpejt do të rikthehet në ekran.
Para disa ditësh moderatorja kishte lajmëruar se do ta shihnim në janar me “Dua të të bëj të lumtur”, ndërsa sot ajo tregoi datën kur do të shfaqet sërish në ekran. Në një foto të postuar në Instagram Arbana ka treguar se në datë 5 janar rikthehet me “Dua të të bëj të lumtur”.
Kjo datë përkon me ditën e shtunë dhe mesa duket Arbana dhe “Dua të të bëj të lumtur” do të zëvendësojë “Shiko kush luan” nga Luana Vjollca që me siguri këto javë do ta shohim me episodin e fundit të këtij sezoni.
