Një krim shumë i rëndë ndodhi sot pasdite në Istog të Kosovës. Një person i armatosur që tentoi të grabiste filialin e një banke vrau një polic, por më pas u eliminua nga policia pas një shkëmbimi zjarri në qendër të qytetit. E gjithë ngjarja është xhiruar nga qytetarët.
Polici i vrarë në detyrë është Izet Demaj, baba i 3 fëmijëve. Ai nuk mundi t’u mbijetojë plagëve dhe ndërroi jetë në spital. 42-vjeçari ka qenë pjesë e Ushtrisë Çlirimtare të Kosovës.
Ministri kosovar i Mbrojtjes, Rustem Berisha, postoi një foto bashkë me të gjatë betejës së Koshares.
Autoritetet kosovare njoftuan se grabitësi është Kamer Metaj. Ai kishte rreth 3 vjet që ishte kthyer nga Gjermania, ku kishte vuajtur një dënim prej 17 vitesh burg.
Dinamika e plotë e ngjarjes mbetet e paqartë, ndërsa policia e Kosovës është vënë në ndjekje të bashkëpunëtorëve të mundshëm të grabitjes së bankës. ©LAPSI.al
