Elvana Gjata dhe Ermal Mamaqi do të nxjerrin në treg filmin e tyre komik “Dy gisht mjaltë” pikërisht në ditën e të dashuruave.
Thuhej se do të dilte në kinema në muajin dhjetor, por data është shtyrë. Pasi është kontaktuar nga revista Bordo, Ermali ka zbuluar se filmi do të jetë në të gjithë kinematë vitin e ardhshëm.
“Vendosëm ta shtynim për një ose dy muaj, dhe ta transmetojmë më datë 14 shkurt, meqë përkon edhe me subjektin e filmit.
Përveç kësaj u menduam mirë se po ta jepnim tani do të kishte shumë shpërqendrim nga fluksi i aktiviteteve dhe filmave që janë në këtë sezon festash”, u shpreh Mamaqi.
