Publikohet në Fletoren Zyrtare lista e banorëve të “Unazës së Re” në kryeqytet, që përfitojnë dëmshpërblim për pronat e tyre të paluajtshme, që preken nga ndërtimi i projektit të Unazës së Madhe. Sipas dokumentit të publikuar, janë gjithsej 128 banorë që përfitojnë dëmshpërblime për banesat, apo pronat e tyre, që preken nga ndërtimi i segmentit nga Pallati me Shigjeta tek Rrethrrotullimi i sheshit “Shqiponja”. Vlera e dëmshpërblimeve arrin në 1 miliard e 180 milionë lekë. Por banorët e “Unazës së Re” vijojnë të protestojnë prej 54 ditësh. Ata kërkojnë rrëzimin e projektit që e cilësojnë korruptiv. Listën e plotë e gjeni KETU.
