Zëdhënësi i Prokurorisë së Karlsruhes ka deklaruar se janë arrestuar katër persona në Gjermani për shkak të dyshimeve për një sulm të mundshëm terrorist.
Tre burra dhe një grua janë nën hetim. Dyshohet se ata po përgatisnin një akt të rëndë dhune. Gjatë kontrolleve të bëra në Plankstadt pranë Heidelbergut, atyre i është konfiskuar një armë tip “Kallashnikov”. Pasi policia kontrolloi pronat e tyre në Mannheim, në rajonin Rhine-Neckar, arrestoi gruan 39 vjeçare dhe dy burra të moshave 33 dhe 49 vjeç. Një 53 vjeçar është arrestuar gjithashtu në aeroportin e Frankfurtit.
