Një lidhje tepër e fshehtë paska qënë ajo e Mc Kreshës me këngëtaren jo pak të njohur Evi Reçi. Çifti i famshëm i “shoëbiz”-it shqiptar po përjeton prej muajsh një romancë.
Një lidhje “pa nam e nishan”, prej të cilës është mision i pamundur të gjeni detaje, por ja që është e vërtetë.
“Iconstyle.al” zbulon se reperi nga Kosova, MC Kresha është në një lidhje me një këngëtare të njohur shqiptare. Dhe me kë? Evi Reçin!
Burime të sigurta për “iconstyle.al” konfirmojnë se çifti është në një lidhje prej rreth dy vitesh, pavarësisht se në llogaritë e rrjetet sociale nuk gjendet asnjë detaj.
Ata kanë vendosur që ta mbajnë lidhjen larg vëmendjes së publikut dhe ia kanë dalë me sukses! Pavarësisht se MC Kresha jeton në Kosovë dhe Evi Reçi në Itali, marrëdhënia e tyre ka arritur që t’i mbijetojë distancës.
Kujtojmë se vetëm pak javë më parë, reperi u shpreh në një intervistë se, kur të krijojë familje do të heqë përfundimisht dorë nga muzika.
“Për muzikën hip-hop duhet të dal unë të këndoj ‘hajde zemër dridhe’ edhe djali im do jetë aty e do dëgjoj. Nëse bëhem me familje, unë nuk mundem të jem prind i duhur për fëmijët e mi. Çdo gjë ka ciklin e vet, publiku më ka rritur se unë kam qenë i mirë”, tha reperi.
Nga ana tjetër, Evi Reçi jeton prej kohësh në Firence, ku punon si gazetare në “La Repubblica”, si dhe në radion “Fiesole”.
28-vjeçarja kreu në të njëjtin vend edhe studimet për gazetari, ndërsa lidhjet e saj me muzikën nuk i ka shkëputur ende.
Ajo mori pjesë në 2017-n në festivalin “Kënga Magjike” me këngën “Dorëzohem”, me të cilën nuk arriti të shkonte në finale.
https://www.youtube.com/watch?v=2ps4iWatOB8
Ndërsa MC Kresha në spektaklin e këtij viti u nderua me çmimin “Kënga më e ndjekur në internet”, për bashkëpunimin e tij me Fifin, “Psikopatja jote”, e cila u klasifikua e treta pas votimeve.
https://www.youtube.com/watch?v=GlWjfO30zLM
