Protagonistë në dhjetëra filma në vitet “70 dhe më pas një prezantuese televizive. Kurajoze për atë që bëri për kohën duke u udhëhequr nga motoja e saj: “Gratë duhet të bëjnë atë që duan pa pasur frikë nga mosha”. Bëhet fjalë për aktoren Edwige Fenech që në 24 dhjetor mbushi 70 vjet.
“Sot jam një nga ato që në moshën time quhen “një zonjë e bukur” – thotë aktorja e dhjetëra filmave erotiko-komikë në kinemanë italiane në një intervistë për “La Repubblica”, citon lapsi.al. Karriera e saj nisi në fundin e viteve “60 por popullaritetin e pati në vitet “70 pasi pranoi të zhvishet nga rolet e grave besnike duke provokuar me në mbi 70 filma komikë dhe rozë.
Luajti rolin e ushtarakes, mësueses, polices derisa në filmin “La pretora” të regjisorit Lucio Fulci në '76-ën ku solli të parën nudo integrale.
Karriera u mbyll rreth vitit 1984 me filmin “Vacanze in America” ku joshte Christian De Sica.
“Natyrisht që nuk do ta ribëja të gjithën atë që kam bërë në karrierë megjithëse sot është më e lehtë. Në atë kohë duhet edhe të punojë. Të kishe edhe fëmijë. Shumë filma jam e lumtur që i kam bërë, por jam mërzitur shumë me titujt që u vendosnin. Kur u shfaq çudoja ime e plotë nuk shkova në premierë. Më vinte turp. Një natë u ula para TV dhe e pashë filmin. Kishte skena nudo, por nuk mu dukën vulgare. Nuk e kam shitur kurrë trupin dhe shpirtin tim”.
Në vitet “80 nisi në një karrierë në TV duke prezantuar “Domenica In” dhe festivalin e Sanremos në “91. Në 2007-ën ishte pjesë e filmit “Hostel: Part II” të Quentin Tarantino i cili nuk e ka fshehur asnjëherë admirimin për këtë aktore.
Madje në filmin “Bastardë pa lavdi” personazhin e interpretuar nga Mike Myers e quajti Ed Fenech në nder të saj. Tashmë Fenech po shijon ditët si gjyshe. “Të jesh gjyshe është shumë e bukur. Gratë nuk duhet të kenë frikë nga mosha”. ©LAPSI.al
