Dalin në dritë disa prej vendimeve të Kryesisë së PS-së, e cila pati ditën e sotme një mbledhje me dyer të mbyllura.
Kryesia e PS-së, ka vendosur zhvillimin e Kongresit të partisë në 30 mars, për të diskutuar për zgjedhjet lokale.
Në mbledhje, është bërë një analizë e punës organizative të PS-së në 12 qarqe.
Kryeministri Rama, ka kritikuar të rinjtë e FRESSH për mungesën e informacionit në lidhje me pakënaqësitë e studentëve.
Sa i takon ndryshimeve të mundshme në qeveri Rama është shprehur:
“Çdo gjë hap pas hapi. Unë nuk e them asnjëherë fjalën fundit të parën. Di gjithmonë radhën e lëvizjeve, pasi gjithmonë mendohem gjatë para se të bëj lëvizjet. Ne do të bëjmë gjërat e duhura dhe do t’i përgjigjemi me dinjitet shqetësimit të studentëve”- tha Rama.
