Napoli mban shtrënguar Kalidou Koulibaly, një prej mbrojtësve më të fortë dhe më të kërkuar në Europë, ku më i vendosuri ishte Manchester United. Palët në fakt kanë gjetur akordin për një prekje të ndjeshme të pagesës, në kontratën që e firmosi në shtator dhe me skadencë deri në qershor 2023: qendrori senegalez do të kalojë nga 3,5 milionë euro që fiton aktualisht në 6 (përfshirë bonuset), një shifër që do ta bëjë mbrojtësin më të paguar në Serie A, përpara Leonardo Bonucci.
De Laurentiis nuk ka asnjë qëllim të privohet nga mbrojtësi më i kërkuar në botë e ka ndërhyrë sërisht tek pagesa, që mund të ishte pika më e dobët e lidhjes që Koulibaly ka me Napolin. Një mënyrë për të treguar jo vetëm me fjalë rëndësinë që ka lojtari për projektin e Napoli.
Sic bëhet e ditur, nuk është përfshirë asnjë klauzolë e zgjidhjes së kontratës, kështu që do të jetë klubi ai që do të vendosë shifrën në rast të një shitje të ardhshme. Një mundësi që De Laurentiis për momentin nuk do absolutisht ta marrë në konsideratë, por që në verë mund ti sjellë oferta konkrete rreth 100 milionë euro.
