Menjëherë sapo kryeministri Edi Rama inspektoi kantierin e konvikteve të Inxhinierisë së Ndërtimit ka reaguar kryetarja e LSI-së, Monika Kryemadhi. Ajo shkoi direkt pas Ramës tek konviktet ku e akuzoi Ramën se po mashtron studentët.
Sipas saj, Rama nuk mund të falsifikojë investimet e qeverisë gjermane siç bëri me falsifikimin e firmës së Sekretarit të Shtetit Amerikan, sa i përket projektit për rikonstruksionin e konvikteve të inxhinierisë.
Ajo tha se, projekti që Edi Rama del dhe e reklamon si investim të qeverisë së tij është një financim i bërë nga qeveria gjermane që në vitin 2011 dhe i parashikuar të përfundonte me 20 dhjetor të këtij viti. Kryemadhi tha se Rama po mundohet ta përvetësojë dhe ta vjedhë këtë investim. ©LAPSI.al
