Njësoj si ministrja e Arsimit, Lindita Nikolla disa ditë më parë, sot kryeministri Edi Rama ka inspektuar punimet në kantierin e restaurimit të konvikteve të Inxhinierisë së Ndërtimit. E përbashkëta e tyre është se të dy i përdorin këto vizita për propagandë, për të shuar deri diku zemërimin studentor, me dallimin se Nikolla shkoi për inpesktim në kulmin e protestave, ndërsa Rama tani që protesta është shuar përkohësisht.
“Në kantierin e konvikteve të Inxhinierisë së Ndërtimit (Rezidencat A/B/C dhe D), ku falë marrëveshjes me qeverinë gjermane, 1080 studentë do të akomodohen në kushte optimale, brenda muajit mars”, shkruan Rama në Facebook teksa publikon edhe videon nga ky inspektim.
Krah tij është nënkryetari i Bashkisë Tiranë, Arbi Mazniku. Ai është parë shpesh kohët e fundit me Ramën në dialogun me studentët apo edhe në dalje televizive, ku flitet për protestën. Gjasat janë që Mazniku mund të zëvendësojë Lindita Nikollën në krye të Ministrisë së Arsimit. Javën e ardhshme janë paralajmëruar ndryshime në kabinetin qeveritar.
©LAPSI.al
