Policia greke ka mundur të vërë në pranga 4 ditë pas arratisjes nga ambientet e paraburgimit një shqiptar 37-vjeçar. Ai u arrestua fillimisht në 27 nëntor si pjesë e një bande që tentoi të grabisnin një dyqan në Athinë. Gjatë grabitjes ai mbeti i plagosur dhe pas kurimit disa ditor u dërgua në qelitë e paraburgimit në Menidhi.
Pikërisht aty ai së bashku me një grek arritën të prisnin hekurat e qelisë me një sharrë. Rreth orës 4 të mëngjesit ata u arratisën pa rënë në sy të rojeve. Greku u kap disa orë pas arratisjes ndërsa kapja e 37-vjeçarit shqiptar u bë e mundur vetëm këtë të shtunë. ©LAPSI.al
