Kur fiton gjithcka është më e thjeshtë, sidomos kur bëhet fjala për klube të mëdha. Në listën e 10 trajnerëve më jetëgjatë, duke konsideruar pesë kampionatet më të rëndësishëm Europianë, (Itali, Spanjë, Angli, Francë, Gjermani), vetëm dy kanë pankina të rënda, ku suksesi është dosmosdoshmëi: Diego Simeone e Max Allegri, që shënon kështu një rezultat të pazakontë për një vend si Italia, e mësuar me ndryshime të shpeshta. Por nuk kishte si të ndodhte ndryshe, me katër tituj të fituar e dy finale të Champions League, Massimiliano Allegri mund të jetë i vetmi "Ferguson italian".
Në ndonjë rast, në këto katër vjet e gjysëm, është dukur se raporti mund të thyhej, sidomos në fund të sezonit të kaluar kur Real Madrid e disa klube angleze kanë bërë ofertat e tyre për teknikun e bardhezinjve. Por zgjedhja u bë dhe në këto kushte nuk duket asnjë motiv në horizont përse gjërat duhet të ndryshojnë.
TRAJNERËT MË JETËGJATË
EMRI SKUADRA NË DETYRË NGA
S. Moulin Angers 1-7-2011
D. Simeone Atl. Madrid 23-12-2011
C. Streich Freburg 1-1-2012
O. Dall'Oglio Dijon 1-6-2012
E. Howe Bournemouth 10-10-2012
S. Dyche Burnley 30-10-2012
M. Pochettino Tottenham 27-5-2014
C. Hughton Brighton 31-12-2014
M. Allegri Juventus 16-7-2014
C. Pelissier Amiens 31-12-2014
Allegri është i vetmi italian në Top 10, që sheh në avantazh Premier League me katër përfaqësues: Howe të Bournemouth, Dyche të Burnley, Pochettino të Tottenham e Hughton të Brighton. Kurioziteti është se përvec Pochettino, të mbijetuarit e tjerë janë trajnerë të skuadrave mesatare ose të vogla.
La Ligue 1 franceze sjell në listë tre përfaqsues, por edhe këtu bëhet fjalë për emra pak të njohur: Moulin i Angers, Dall’Oglio i Dijon e Pelissier i Amiens. Vetëm një trajner vjen nga Bundesliga, Streich i Freiburg. Por ndoshta e dhëna më e papritur vjen nga Spanja: Diego Simeone i Atletico Madrid, është në detyrë prej 7 vjetësh pandërprerje. E të mendosh që me të fillimisht ishte president, Jesus Gil y Gil, që i ndryshonte trajnerët si të ishin corape.
