Edi Rama sot u godit me vezë në Parlament sapo mori fjalën, teksa po deklaronte se ai do të vazhdonte të dialogonte me studentët për të gjetur zgjidhje.
Deputeti i Partisë Demokratike, Endri Hasa u çua nga vendi i tij dhe e qëlloi kryeministrin me vezë. Hedhja e parë e zuri Ramën në kravatë. Goditja e dytë, më e vështirë pasi ai u rrethua nga gardistët, fluturoi pranë kokës së Ramës, por ky i fundit arriti të shmangej.
Në cilësine e Kryetarit të Kuvendit, Gramoz Ruçi i bëri thirrje deputetit demokrat të Elbasanit të largohej nga salla dhe ndërpreu seancën. Por, edhe pse seanca rinisi disa herë, Hasa dhe deputetët e tjerë të PD penguan daljen e tij nga seanca plenare. Byroja e Kuvendit vendosi 10 ditë përjashtim të Endri Hasës nga punët në parlament. Seanca e radhës është lajmëruar në ora 18:00, por grupi parlamentar i PD-së nuk ka lënë ende sallën dhe ka vendosur të qëndrojë aty deri në rifillim të punimeve.
©Lapsi.al
[video width="848" height="480" mp4="https://cdnimpuls.com/lapsi.al/wp-content/uploads/2018/12/WhatsApp-Video-2018-12-20-at-12.20.54-PM.mp4"][/video]
