Juventus e Alex Sandro do të vazhdojnë së bashku për një kohë të gjatë. Mbrojtësi i majtë brazilian që i pëlqen aq shumë gjigantëve të Premier League, Chelsea e Manchester United mbi të gjitha, ka rinovuar zyrtarisht kontratën e tij me bardhezinjtë deri në 2023. lajmin e ka bërë të ditur vetë klubi kampion i Italisë në faqen zyrtare.
"Tifozët mund të jenë të sigurtë se kanë një lojtar që do të japë gjithnjë 100% për të arritur fitoren - shkruan Juventus.com - Me këto fjalë në 2015, Lobo Silva Alex Sandro prezantohej përpara tifozv bardhezinj. E sot, ditë në të cilën njoftojmë me kënaqësi që raporti ynë do të vazhdojë deri në 2023, mund të themi se fjalët e tij ishte profetike.
Kampioni brazilian u shndërrua, ndeshje pas ndeshje, një nga elementët më të rëndësishëm të një skuadre që ka fituar shumë: për saktësi, së bashku me të, janë fituar tre kampionate e tre Kupa Italie.
Në gjithë këto arritje prezenca e tij ishte konstante, precize, intensive, kualitative: në total janë 134 prezenca për Juventus, me 9 gola të shënuar. Alex Sandro është mbrojtësi i Juventus që ka luajtur më shumë ndeshje në të gjitha kompeticionet e mbrojtësi që ka dhënë më shumë asist (18), ndërsa është lojtari bardhezi që ka dhuruar më shumë krosime (127).
Fuqi, kontroll, teknik prej braziliani e vizion loje… për Juventus: Alex Sandro është lojtari që ka rikuperuar më shumë topa tek bardhezinjtë (724) e është i dyti për driblime të arritura (220), vetëm pas Dybala.
Që kur luan në Serie A është mbrojtësi në përgjithësi që ka dhënë më shumë asist fitues (13) e është mbrojtësi që ka nxjerrë më shumë në pozicion goditje një shok të skuadrës (142, 23 vetëm në sezonin aktual).
