Pas reagimit të delegacionit të BE-së në Shqipëri pro protestës së studentëve, vjen dhe replika e ish-zv.ministrit të Arsimit Taulant Muka, i cili i kërkon atyre llogari për pasivitetin e treguar gjatë këtyre 28 viteve.
"Ku ke qënë më para Bashkimi Europian? Keni mbyllur sytë tuaj për 28 vite dhe keni fshehur realitetin në Shqipëri, ose për interesin tuaj, ose sepse asnjëherë nuk na keni dëshiruar! Studentët dhe Rinia Shqiptare nuk kanë nevojë për mëshirën tuaj, por kanë nevojë për meritokraci! Ata po kërkojnë cilësi në arsim, dhe ju, në vend që ti ndihmoni, bëheni palë me korrupsionin që i drejton ata!", shprehet Muka.
