Kryeministri Edi Rama, në takimin me studentët në Universitetin e Vlorës, sa i takon tarifës së studentëve ka treguar se këtë vit ajo do të përgjysmohet për të gjithë. Ndërsa vitin tjetër tarifat do të variojnë sipas mesatares.
"Kur flasim për shërbime të mira, kjo bëhet më para. Nuk mund të thoni duam shërbime më të mira e të paguajmë më pak.Gjysmën e tarifës do e paguajë shteti për ju nga Janari. Për këtë vit ato që janë më katra do paguhen nga shteti, por jo më në vazhdim. Qeveria nuk do të paguajë për njerëz që rrinë 10 vite në shkollë.
Kush është më mesatare 9-10 do i paguhet tarifa nga shteti.
Nga 8-9, do të paguhet 75% e tarifës. Nga mesatarja 7-8, studentët do paguajnë gjysmën e tarifës. Pjesa tjetër do të paguajë vetë. Kjo do të nisi nga viti që vjen", shprehet Rama.
