Lajmet që u shpërndanë pak ditë më parë në media për dorëheqjen e kreut të FRESSH, Eljo Hysko, nuk rezultuan të kenë qenë aq pa bazë. Megjithëse vetë i interesuari i quajti ato “Fake news”, deklaratat e kryeministrit sot e kanë rritur shumë paqartësinë.
Nga Vlora, Rama shprehu rezerva për FRESSH, forumin e të rinjve socialistë, teksa u shpreh se “për fat të keq të partisë që e ka, ai tregoi këtë herë se nuk ekziston në universitete”.
Kjo është nga herët e pakta që Rama sulmon publikisht një zyrtar të rilindjes. Dhe kjo nuk është fare pa bazë. Të gjithë mediat e vendit raportuan në ditën që Rama do të shkonnte në emisionin e rakorduar Top Show, se mëngjesin e asaj dite ai thërriti Elio Hyskon në zyrën e tij në kryeministri. Qëllimi u mor vesh më pas: të organizojej një dialog fallco, gjasme me studentë.
Në fakt organizata rinore e bëri këtë. Ajo e mbushi studion e Alban Dudushit me freshistë, por sa hap e mbyll sytë ata u demaskuan njëri pas tjetrit ne rrjetet sociale.
Një video që nxorri bllofin e pesfishtë të Ramës (Pamjet)
FOTO/ Si u inskenua “debati” i Ramës në “Top Show” me anëtarë të FRESSH
Nga ky moment termi freshist filloi të qarkullonte me përbuzje dhe përçmim mes studentëve protestues. Një organizëm i ndërtuar sipas shkollës së fasadës së Erion Veliajt, pa rrënjë në mjediset rinore, FRESSH është bërë sot sinonimi i servilëve që duan të sigurojnë një vend pune pa u lodhur.
Vetë Rama e vuri re këtë dhe filloi përballje më të drejtpërdrejtë me studentët duke e kuptuar se mbështetja tek FRESSH vetëm do ta nxirrte zbuluar.
Dhe sot ai arriti deri aty sa shpalli publikisht dështimin e kësaj organizate politike për të depërtuar në universitete. Në vend që t'i bëhej ndihmë, ajo u shndërrua në barrë për kryeministrin. Me sa duket edhe zërat e shpërndarë për largimin e Elio Hyskos, nuk paska qenë pa gjë.
©Lapsi.al
